Grischun - Cultura da bajegiar

alt_title_logo Kantonsbibliothek Graubünden
Chantun Grischun
Cantone dei Grigioni
Architectura contemporana
enavos a la glista

Academia Engiadina, 1997

Quadratscha 18 | 7503 Samedan
BLOC DA PLATTAMORT
A In bloc precis e nair terminescha il cumplex fin uss nunstructurà da
l’academia ed enserra ina curt da pausa vers la costa. Plattamorta criva
cuvra il cubus e dat ad el ina surfatscha glischanta. Il crap stgir para da
pasar grevamain, ma las grondas averturas da vaider cuntrasteschan cun
questa impressiun. Sur ils chantuns da la chasa s’extendan lingias da
fanestras tschentadas a medem livel sco la fatschada. Ultra da quai èn
surfatschas da vaider autas sco las stanzas cun roms da metal clers
montadas en las paraids. L’edifizi vegn purtà da pitgas da betun culà e
colurà en nair. Ils architects han nizzegià la flexibilitad gudagnada per
stgaffir spaziusas zonas avertas, corridors e locals da segiurn enina che sa
repetan d’auzada ad auzada: En il plaunterren sa chatta la cafetaria. Ina
stgala maina en in tratg vinavant si tar l’entrada vers la spunda e da qua
sin il segund plaun, nua che s’avra vers il sid in spazi vast e cler cun vista
vers il massiv dal Bernina. La promenada finescha sin la magnifica terrassa
da tetg che vegn però a stuair ceder ad in auzament en ina segunda
etappa.
(Architekturzeitschrift Hochparterre)

Collavuraziun
Jacques Hamers, Michele Gaggini

Inschigner da construcziun
E. Toscano AG

Patruns da construcziun
Academia Engiadina

Onn da construcziun
1996–97

Procedura
Concurrenza

Custs da construcziun
CHF 8 Mio.